Notre épicerie
Gure denda
Etorkizuneko janari denda, ekologikoa, soziala eta solidarioa, 2019tik kideek kudeatua.
Zer da janari denda parte hartzaile bat?
Larrunkoop desmartxa parte hartzaile eta arduratsu batean oinarritzen da. Kideek beraiek kudeatzen dute denda: irekiera, kutxa, salgaien harrera, eskaerak, apalen antolaketa. Boluntariotza horri esker, kalitatezko produktu osasuntsuak eskura ditzakegu prezio zuzenean.
Prezioak ekoizleek finkatzen dituzte. Dendak irabazi tarterik gabe saltzen ditu, kostu-prezioan, goragoko hamarrenera borobilduz. Gastuak (alokairua, elektrizitatea, kutxa…) familia bakoitzak ordaintzen duen hileko kuota batek estaltzen ditu, produktu bakoitzari tarte bat gehitu beharrean: kideek bozkatutako hautua, orokorrean merkeagoa delako.
Denok irabazle: ekoizleari behar bezala ordaintzen zaio, eta kideak prezio zuzena ordaintzen du.
Gure helburuak
Missions de Larrunkoop
Produktu osasuntsu eta tokikoak eskuragarri egin
- Eguneroko beharren ari erantzun, elikagaiekin eta bestelako produktuekin
- Ekoizleak behar bezala ordaindu, prezio eskuragarriak eskainiz
- Gardena izan jatorriari, ekoizpen moduari eta kalitateari buruz
Tokiko ekoizpena sostengatu
- Zirkuitu laburrei lehentasuna eman, ahalik eta bitartekari gutxienekin
- Ekoizleei lagundu ezbeharrak gertatuz gero (eguraldia…)
- Ekoizpen biologiko eta tokikoaren ekitaldietan parte hartu
Zabaldu
- Kontsumo ohituren ondorioei buruz sentsibilizatu
- Eskoletan eta adinekoen egoitzetan esku hartu
- Beste denda parte hartzaile batzuk sortzen lagundu
Harremanak sortu
- Elikagaien xahutzearen eta gehiegizko ontzien aurka borrokatu (soltean saldu)
- Denda gune atsegin bihurtu, salmentatik haratago
- Gure tresnak eta jakintzak libreki partekatu
Gure produktu gutuna
Gure helburua: elikadura osasuntsua, prezio zuzenean, ahalik eta jende gehienaren eskura jartzea. Hautatzen ditugun produktuak:
- GEOrik gabeak, ongailu kimiko eta pestizidarik gabeak
- gizakia, ingurumena eta animaliak errespetatzen dituzten desmartxetatik sortuak (kaioletako hazkuntzarik gabe)
- ahal bada biologikoak, tokikoak, sasoikoak eta zirkuitu laburrekoak
- ahal denean soltean salduak, ontziak gutxitzeko
- gardentasun osoz etiketatuak: jatorria, ekoizlea, kalitatea eta prezioa
Produktu berri bakoitza Erosketa taldeko kide batek proposatzen du, eta gutunarekin bat datorrela egiaztatzen da apaletara iritsi aurretik.
Balore etiko, sozial eta arduratsuak
Valeurs éthiques, sociales et environnementales
Tokiko ekonomia
Eusko sareko kidea, Euskal Herriko tokiko txanpona.
Elebitasuna
Euskaraz eta frantsesez komunikatzen dugu; bilkuretan bakoitzak nahi duen hizkuntzan hitz egiten du.
Bankua eta energia
Balore etikoengatik hautatutako bankua; elektrizitate berriztagarri eta tokikoa (Enargia).
Irisgarritasuna
Arreta berezia mugikortasun urriko edo ezintasuna duten pertsonei.
Irabazi asmorik gabe
Diru-sartzeak = gastuak. Soberakin oro dendan berrinbertitzen da, biltzar nagusian kideek bozkatuta.
Independentzia
Diru-laguntzek eta emariek ez dute elkartearen osasun finantzarioa baldintzatzen.
Nork zer egiten du?
Eredu autogestionatua: kideek elkarrekin erabakitzen dute, biltzar nagusian eta bilkuretan. Lana taldeka banatzen da.
Administrazio kontseilua
Ikuspegi orokorra, finantzak, bazkideekin harremanak eta gutunaren errespetua.
Erosketa taldea
Produktuak eta hornitzaileak hautatzen ditu, eskaerak egiten ditu, gutuna zaintzen du.
Harrera taldea
Entregak hartzen ditu, egiaztatzen, etiketatzen eta apaletan jartzen.
Komunikazio taldea
Kideen komunitatea dinamizatzen du eta kide berriei harrera egiten die.